Avhoyringar góvu ikki ábending

Avhoyringar hjá politinum um borð á Norrønu, tá hon kom á Havnina í gjárkvøldið, góvu ikki nakra ábending um, hví eitt ferðafólk fór fyri borð leygarkvøldið, tá Norrøna var sunnan fyri Noreg á veg til Føroya.

Eingin sá sjálva hendingina, men nøkur sóu fólkið fara fram við vindeygum.

Fyribils er niðurstøðan tann, at talan er um vanlukku.

Hendingin var har afturi á skipinum, har sum hitapottarnir eru á dekki sjey.

Tann, sum fór fyri borð, var føroyingur.