Landskassin fær 82 milliónir fleiri skattakrónur

Skattarættingar hjá Taks settu met í fjør.

Rættingarnar gera, at landskassin fær 82 mió. kr.

Rættingar vóru gjørdar fyri stívliga 291 milliónir krónur, skrivar Taks í tíðindaskrivi.

Flestu rættingarnar eru gjørdar hjá feløgum.

Feløg fingu 109 mió. kr. meira í inntøkum, 96 milliónir í kapitalvinningi, 60 milliónir í veiðirættindum og sjey milliónir í avgjøldum.

Hjá einstaklingum vóru rættingar gjørdar fyri góðar 19 milliónir krónur.

Teir fingu 8,7 mió. kr. meira í inntøkum, 8,9 milliónir í kapitalvinningi, og rættingar vóru gjørdar fyri hálvaaðru millión í rentustuðli og ferðastuðli.