Trygdin í lagi, sigur stjórin

- Vit hava onga ábending um, at trygdin umborð ikki er í lagi, sigur Jens Meinhard Rasmussen, stjóri í Smyril Line.

Meira sigur felagið ikki um vanlukkuna leygarkvøldið, tá ein ferðamaður, ein føroyingur, datt fyri borð á Norrønu, sum var á veg úr Danmark til Føroya.

Maðurin var ikki funnin.

Politiið hevur avhoyrt fólk, sum vóru við, tá Norrøna kom á Havnina sunnukvøldið.

Sjóvinnustýrið hevur eisini verið umborð.

Enn er ikki greitt, hvat er hent, tá maðurin fór fyri borð av dekki sjey, har sum hitapottarnir eru.