Headspacemiðstøð vónandi á veg

Stendur tað til Sinnisbata, so skulu vit hava eina Headspacemiðstøð í Føroyum, sum kann hjálpa fólki við sálarligum avbjóðingum.

Tað sigur Súsanna Olsen, forkvinna í Sinnisbata í samrøðu við Kringvarpið í dag.

Headspace er eitt landsdekkandi, fyribyrgjandi og mentalt heilsufremjandi tilboð frá sivilsamfelagnum til ung millum 12 og 25 ár, sum hava avbjóðingar við mentalu heilsuni. Talan er um ráðgeving á privatum plani, og er onkur, sum hevur brúk fyri professionellari hjálp, verður viðkomandi vístur til heilsuverkið.

Tað verður arbeitt við headspacemiðstøðini í Føroyum, men tað er enn nakað á mál, áðrenn tilboðið til børn og ung við sálarligum avbjóðingum kann byrja, sigur Súsanna Olsen, forkvinna.

Hon leggur afturat, at tilboðið fer ikki ígongd fyrr enn tey hava fingið stuðul frá almennum myndugleika til at fara ígongd. 

Trýst á leinkið niðanfyri og hoyr alt innslagið, sum svar í tíðindunum á nátturða í kvøld.