Gjørt yvir 70.000 spurningar

Hvørt fríggjakvøld fer Kristian Joensen heim í Roykstovuna at skipa fyri spurnarkappingini Pub Quiz í Roykstovuni. Hetta er sera vælumtókt og um vikuskiftið kundi hann hátíðarhalda, at hann hevði lagt til rættis Pub quiz heili 700 ferðir. 

- Hetta er blívið ein lívsstýlur og gleðin liggur í, at síggja fólk koma hugagóð og glað, og hugna sær til eina spurnarkapping, sigur Kristian Joensen.

Altíð havt áhuga fyri spurnarkappingum

Kristian hevur altíð havt áhugað fyri spurnarkappingum og hevur altíð verið íðin luttakari í spurnarkappingum, um tær hava verið í heimbygdini, ella í útvarpi og sjónvarpi. 

Pub quiz var í Havn

- Einaferð ringdi Karl Marius Poulsen, sum tá hevði dansistaðið Barok, og spurdi um eg kundi skipa fyri Pub quiz. Tað var man byrjaður upp á í Havn, so tað mátti man eisini hava í Klaksvík. Eg játtaði og tað gekk ordliga væl, sigur Kristian Joensen. 

Skrivað yvir 70.000 spurningar

Í øll hesi árini hann hevur lagt til rættis Pub quiz, hevur hann skrivað eini 70-80.000 spurningar. 

- Eg havi sjáldan brúkt teir somu umaftur, men onkuntíð slepst tað ikki undan, sigur Kristian, sum brúkar tað mesta av vikuni at skriva spurningar og hann ætlar ikki at gevast.

- So leingi sum fólk tíma at koma, tími eg, sigur Kristian Joensen, Pub quiz meistari.

Lurta eftir samrøðuni við Kristian Joensen í Summarmorgni