Aðalorðaskifti um haldføri

Næsta vár fer løgtingið at hava aðalorðaskifti um fíggjarpolitiskt haldføri.

Landsstýriskvinnan í fíggjarmálum leggur fram frágreiðing, sum byggir á temafrágreiðingina um fíggjarpolitisk haldføri, sum Búskaparráðið gjørdi í fjør.

Hetta stendur í løglistanum, sum kom í tingið í dag saman við frágreiðingini hjá løgmanni.  

Har stendur eisini, at lógin um Búskaparráðið skal broytast.

Ætlanin er, at Búskaparráðið bara skal gera eina konjunkurfrágreiðing um árið. 

Og orka skal leggjast í at gera eina temafrágreiðing um heystið. 

Haraftrat er ætlanin at leggja onkrar uppgávur til Búskaparráðið sum part av fyriskipanum um fíggjarpolitiska stýring. 

Til dømis haldførismetingar, metingar um fíggjarlógina og eftirlitsuppgávur. 

Hetta uppskotið kemur í heyst.