Ákærdur fyri harðskap móti politinum

Ein 35 ára gamal maður skal í Føroya rætt í dag.

Seks ákærur eru ímóti honum.

Hann er ákærdur fyri at spýta á ein politist. Hann spýtti eisini eftir einum øðrum politisti, men rakti ikki.

Hann er ákærdur fyri at hótta politistar eftir lívinum og fyri at geva politinum tað, sum á vanligum máli eitur fuckfingurin.

Hetta skal alt vera hent uttan fyri Tórsvøll eftir dystin millum HB og Brøndby fyri tveimum vikum síðani.

Maðurin er ákærdur eftir greinini í revsilógini, sum er um harðskap móti tænastufólki í arbeiði.

Maðurin, sum er føroyingur, noktar seg sekan.

Hann hevur verið í varðhaldi, síðani hann var tikin fyri 14 døgum síðani.