Melkart 2 aftur á veg vestureftir

Russiski trolarin Melkart 2 er nú á veg á fiskileið eystan fyri Føroyar.

Hann fór úr Marmansk seinnapartin leygardagin.

Og sambært Vesselfinder verður hann á fiskileið í morgin ári.

Melkart 2 kom til Murmansk 29. juli.

Hann hevði tá fiskað í fýra dagar í føroyskum sjógvi.

Trolarin boðaði Vørn frá, at hann hevði 89 tons, 84 tons av makreli og fimm tons av sild, tá hann fór av fiskileið.

Vørn hevur ikki fingið nakra fráboðan um, at Melkart 2 ætlar í føroyskan sjógv.

Øll russisku skipini á okkara leiðum eru í altjóða sjógvi uttan fyri føroyska markið, har norðuri millum Ísland og Noreg.

Fyri tveimum døgum síðani var Ostankino, sum eins og Melkart 2 er trolari hjá Murman Seafood, eisini staddur har.

Russisku skipini fiska makrel.

Reiðaríið Murman Seafood er á svartalista hjá ES og Noregi.