- Rætt og klæðiligt at seta kanning í verk

- Tað er í grundini tað einasta rætta at gera, sigur Eirikur í Jákupsstovu, sum er sinnaður at seta eina kanning í verk, sum skal nágreina viðurskiftini hjá teimum, sum vórðu sent av landinum. 

Eingin ítøkilig ætlan liggur á borðinum, men hetta verður tikið upp við restina av landsstýrinum, lovar landsstýrismaðurin. 

Ein áheitan um at seta slíka kanning í verk er komin frá ávíkavíst forkvinnuni í Megd og forkvinnuni í Javna. 

- Ein kanning er grundarlag fyri at landsins myndugleikar kunnu taka ta ábyrgd, sum skal til, sigur Helena Jørmundson, sum er forkvinna í Javna. 

Ein donsk kanning er longu gjørd, men vit vita framvegis ov lítið um føroyingarnar, sum vórðu sendir á danskar stovnar, viðurkennir Eirikur í Jákupsstovu. 

Hoyr samrøðu við landsstýrismannin í almannamálum her: