Politikarar tora ikki at taka neyðugar avgerðir

Hall í bestu tiðum og politikkur sum førir til ovuruphitaðan búskap

Góðar 400 milliónir í halli í bestu tíðum, hetta hóast allir vísarar peika uppeftir - tað er ikki í lagi, segði Johnny í Grótinum, formaður í Búskaparráðnum, tá hann legði heystfrágreiðingina fram seinnapartin.

Eisini Ruth Vang, landsstýriskvinna í fíggjarmálum, ásannar, at boðskapurin hjá Búskaparráðnum er lemjandi, men hon sigur, at higartil hevur ikki eydnast at fáa politiska semju, at gera neyuðugu broytingarnar.

Løgmaður svarar í morgin

Vit ætlaðu at spyrja løgmann sum ovasta leiðara, hví samgongan ikki megnar at koma við nýskipanunum.

Men løgmaður svarar gjøgnum ein fulltrúða, at tað ikki liggur fyri hjá løgmanni at vera við í dag, men at hann er tøkur til samrøðu í morgin.