Ákærdur fyri at bróta lógina um djóravælferð

Ein maður skal í Føroya rætt í dag, tí hann er ákærdur fyri at bróta lógina um djóravælferð.

Hann er ákærdur fyri at misrøkja seyð hjá sær.

Seyðurin fekk, sambært ákæruritinum, ov lítið at eta, meðan hann var í haganum næstseinasta vetur.

Hann var vorðin so rak, at átta til tólv seyðir antin doyðu í hungri ella neyðugt var at avlíva teir, sigur ákæran.

Maðurin noktar seg sekan.