Putin: Russland ongar ætlanir at leypa á Evropa

Russland hevur ongar ætlanir um at leypa á Evropa.

Tað sigur russiski forsetin, Valdimir Putin, sum er á toppfundi í kinesiska høvuðsstaðnum, Beijing.

Á tíðindafundi sigur Putin, at Russland ongar ætlanir hevur um at leypa á Evropa, um Russland hevur eydnuna við sær í Ukraina.

Forsætisráðharrin í Slovakia, Robert Fico, var eisini við á fundinum.

- Eitthvørt skilafólk veit, at Russland ongantíð hevur havt, hevur, og ongantíð fer at hava ætlanir um at leypa á nakran, segði Putin sambært Sky News.

Russiski forsetin legði afturat, at Russland ongantíð hevur havt nakað ímóti, at Ukraina gerst limur í ES, men at ein Nato-limaskapur ikki kann góðtakast. 

Í morgin fer Putin saman við m.a. Xi Jinping og  norðurkoreiska leiðaranum, Kim Jong-un, til stóru hernaðarskrúðgonguna, sum hátíðarheldur, at 80 ár eru liðin, síðani seinni heimsdagi endaði.