Dan Klein er deyður

Dan Klein, fyrrverandi blaðstjóri á Oyggjatíðindum, er deyður.

Dan Klein varð føddur 8. oktober 1950 í Klaksvík og hevði sostatt fylt 75 ár í næsta mánaða.

Hann gjørdist blaðstjóri á Oyggjatíðindum í 1982, sum hann øll árini stjórnaði úr heimi sínum í Hoyvík.

Í 2011 gjørdi hann av ikki at geva Oyggjatíðindi út meira á prenti, men bert talgilt, sum hann longu fór undir í 2003.

Hetta gjørdi hann fyri at geva fólki eisini uttanfyri landoddarnar møguleika at lesa tíðindi á heimasíðuni hjá Oyggjatíðindum umframt at keypa blaðið sum PDF-útgávu á heimasíðuni.

Dan Klein var kendur fyri sítt stundum bersøgna skrivingarlag.

Seinastu árini hevur hann Dan Klein verið álvarsliga sjúkur.

Hann doyði á Landssjúkrahúsinum fríggjakvøldið 5. september.