Donald Trump: Charlie Kirk er deyður

Amerikanski forsetin, Donald Trump, skrivar á sínum egna sosiala miðla, Truth Social, at Charlie Kirk er deyður, eftir at hann var skotin á einum politiskum kjakfundi á lærda háskúlanum í Utah Vally.

"Tað legendariski Charlie Kirk er deyður. Eingin skilti ella hevði hjartað fyri amerikanska ungdóminum sum Charlie. Hann var elskaður og høgt virdur av øllum, serliga mær, og nú er hann ikki longur okkara millum."

Donald Trump endar sína dagføring við at senda konuni hjá Charlie Kirk, Eriku, og hansara familju sína samkenslu. 

Enn hava hvøki heilsumyndugleikarnir ella familja hjá Charlie Kirk vátta deyðsfallið. 

Tað, ið vit vita, sambært BBC:

• Charlie Kirk, 32 ár, var skotin til deyðis, tá hann talaði á einum politiskum kjakfundi á lærda háskúlanum í Utah Valley í kvøld. 
• Amerikanski forsetin, Donald Trump, hevur í kvøld kunngjørt andlátið hjá Charlie Kirk á sínum egna sosiala miðli, Truth Social. 
• Kirk var skotin einaferð í hálsin, vísa videoupptøkur, ið BBC hava faktakekka. 
• Eingin annar varð raktur í skottilburðinum. 
• Gerningsmaðurin er enn ikki handtikin. 

Tað, ið vit ikki vita, sambært BBC:

• Tann, ið skeyt, er enn ikki eyðmerktur. 
• Orsøkin - motivit - er enn ikki kent.