Stúrdi um trygdina - fekk onki svar

Eyðbjørn Thomsen, formaður í FC Suðuroy vendi sær 3. september til Strandferðsluna, tí hann stúrdi fyri trygdini hjá ítróttarfólkunum umborð á Galaxy. Ongin hevur svarað

Við opnum hekkuportri um Suðuroyarfjørð 1. september kl. 19.36

John Johannessen

16.09.2025 - 20:08

Í dag bleiv tað staðfest, at Galaxy mánadagin tann 1. september sigldi um Suðuroyarfjørð við opnum hekkuportri. Nakað sum er ólógligt og vandamikið.

Eyðbjørn Thomsen, sum er formaður í ítróttarfelagnum FC Suðuroy, frætti tann 3. september okkurt um, at alt ikki var í lagi við trygdini á skipinum. Av tí, at felagið hvørja viku sendir nógv børn og ung um fjørðin við Galaxy, valdi hann at skriva til Strandferðsluna, fyri at fáa vissu fyri, at hann trygt kundi loyva ítróttarfólkunum við Galaxy. Men hann fekk ongantíð nakað svar. Tí er hann kløkkur, nú tað í dag er staðfest, at trygdin ikki var í lagi.

250916_DV_GALAXY_FCSUDUROY

Eyðbjørn Thomsen skrivaði soljóðandi teldupost til Strandferðsluna:

Góðan dagin

Tað er komið mær fyri oyrað, at portrið á Galaxy ikki er 100% tætt/lukkað undir sigling ímillum Tórshavn og Tvøroyri. Er hettar so? Vegna FC Suðuroy sendi eg hendan t-postin. Okur senda nógv fólk við Galaxy hvørt vikuskifti, og kunna ikki góðtaka, at einki verður gjørt við hettar, um so er.

Vh
Eyðbjørn Thomsen
Formaður

LES EISINI:

Galaxy sigldi við opnum hekkuportri

Galaxy sigldi ólógliga