Søkja eftir stjóra til Heilsustýrið

Bjarni Á Steig heldur ikki fram sum stjóri í Heilsustýrinum. 

Heilsumálaráðið boðar í dag frá, at starvið sum stjóri í Heilsustýrinum er leyst at søkja, nú setanartíðarskeiðið gongur út.

Bjarni á Steig hevur verið stjóri, síðani Heilsustýrið var sett á stovn í mai í 2024.

Heilsustýrið hevur høvuðsuppgávuna at skipa og menna heilsufakliga økið í Føroyum og at veita granskingargrundaða ráðgeving við støði í føroyskum heilsu- og samfelagsviðurskiftum.

Bjarni á Steig, Korona

Bjarni á Steig. (Mynd: Bjarni Árting Rubeksen)

Stjórin í Heilsustýrinum fær ábyrgdina av dagligu leiðsluni, menningini og rakstrinum av stovninum, sum er ein sjálvstøðugur myndugleikastovnur undir Heilsumálaráðnum.

Ein týðandi partur av arbeiðinum er at savna vitan og byggja grundarlag upp fyri heilsufremjandi átøkum, styrkja arbeiðið við fólkaheilsu og fyribyrging, og at umsita farsóttarøkið og heilsuhagtøl, skrivar Heilsumálaráðið í dag.

Umsóknarfreistin er mikudagin 15. oktober.