Tjóðsavnið fær nú tíðarfreist

Nú verður tíðarfreist sett á, nær Tjóðsavnið skal koma við ummæli um gamlar kirkjur, sum skulu umvælast.

Freistin er hálvt ár.

Kunngerð um bygningar fólkakirkjunnar skal broytast.

Í kunngerðini stendur, at skal kirkja umvælast, skal Stiftsstjórnin geva loyvi.

100 ár

Er kirkjan eldri enn 100 ár, skal ummæli fáast frá Tjóðsavninum.

Men Tjóðsavnið hevur onga tíðarfreist.

Hon kemur nú. Og hon verður í mesta lagi hálvt ár.

Funnist hevur verið at Tjóðsavninum fyri at brúka ov langa tíð at gera ummæli.

Og nú skal eisini gerast møguligt at fáa sær aðra fakliga byggikøna ráðgeving.