Martin byrjar inni heldur enn Viljormur

Martin Agnarsson verður uttasti maður til vinstru á føroyska fótbóltslandsliðnum, sumí kvøld tekur ímóti Montenegro á Tórsvølli.

Kviki Aarhus Fremad-vongurin skeyt avgerandi málið ímóti Gibraltar í september, og hann hevur fingið afturval framum varaliðskiparan, Viljorm Davidsen, sum byrjar uttanfyri.

Fremsti maður verður Meinhard Egilsson Olsen framum millum annað Páll Klettskarð og metmannin Jóan Símun Edmundsson.

Føroyska liðið í 5-4-1:

Mattias Lamhauge; Martin Agnarsson, Odmar Færø, Gunnar Vatnhamar, Andrias Edmundsson, Jóannes Kalsø Danielsen; Hanus Sørensen, Jákup Biskopstø Andreasen, Brandur Hendriksson Olsen, Árni Frederiksberg; Meinhard Egilsson Olsen.

Á bonkinum sita Bjarti Vitalis Mørk, Bárður á Reynatrøð, Viljormur Davidsen, Arnbjørn Svensson, Hallur Hansson, Jóannes Bjartalíð, Páll Andrasson Klettskarð, Jóan Símun Edmundsson, Adrian Justinussen, Petur Knudsen, Jann Julin Benjaminsen og Geza Dávid Turi.

Undan dystinum í kvøld eru Kroatia og Kekkia fremst í bólkinum við 12 stigum í part, Føroyar og Montenegro hava 6 stig hvør, meðan Gibraltar er aftast við ongum stigi.