Rætting frá tíðindaleiðaranum

Í málinum um opna hekkuportrið á Galaxy hevur henda myndin verið víst í Kringvarpinum ofta síðani 16. september. Hon er eftirkannað av serfrøðingum, sum kunnu prógva, at myndin er røtt.
 

galaxy_upprunamynd.png

Í Degi og viku týskvøldið varð hendan myndin víst her á vegginum aftan fyri vertin.

galaxy_eftirgjord_mynd.png

Hetta er ein mynd, sum er broytt, so hon IKKI vísir veruleikan. Munurin sæst á ljósinum, sum her eisini kemur inn oman fyri portrið. Henda myndin átti ikki at verið brúkt. Her er ein sera óheppin feilur hendur.

Myndin varð framleidd av einum starvsfólki, sum vildi prógva, hvussu lætt og skjótt tað í veruleikanum er at broyta myndir. Tíverri endaði myndin ikki í ruskílatinum, men í einari mappu, haðani hon fór inn í sendiskipanina og upp á skíggjan í Degi og viku.

Kringvarpið hevur annars greiðar reglur um, at verða eftirgjørdar myndir nýttar, skulu tær eyðmerkjast týðiliga, so ongin ivi kann uppstanda. Í hesum førinum hendi eitt menniskjaligt mistak, og ein tilgjørd mynd fór út ótilætlað. Kringvarpið biður hyggjaran um umbering fyri mistakið.

Katrin Petersen, tíðindaleiðari, greiðir frá her: