Heimsins leiðarar hittast í Egyptalandi

Fleiri av heimsins leiðarum eru komnir til Egyptalands á toppfund um Gasa.

Væntandi verður fyrsti partur av friðaravtaluni millum Hamas og Ísrael undirskrivaður á toppfundinum í Sharm el-Sheikh, og síðani kann farast undir samráðingar um næsta stig í avtaluni.

Donald Trump, forseti, hevur verið í Ísrael og hildið røðu í Knesset, og hann er tí nakrar tímar seinkaður á ferð síni til Egyptalands.

Millum teirra, sum longu eru komin til Egyptalands, eru bretski forsætisráðharrin, Keir Starmer, franski forsetin Macron, turkiski forsetin Erdogan, italski forsætisráðharrin, Giorgia Meloni, og emirurin í Katar, Tamim bin Hamad Al Thani.

Týski samveldiskanslarim, Merz, er eisini komin til Sharm el-Sheihk. 

Fýra lík útflýggjað í dag

Fyrr í dag vóru allir 20 ísraelsku gíslarnir, sum enn eru á lívi, útflýggjaðir, og nú boðar Hamas frá, at líkini av fýra ísraelskum gíslum verða eisini útflýggjað í dag. 

Hamas hevur fyrr boðað frá, at líkini av øllum 28 íslendsku gíslunum verða útflýggjað Ísrael, sum ásett er í avtaluni millum Hamas og Ísrael.