12 vilja vera stjóri í Heilsustýrinum

12 umsóknir eru til starvið sum stjóri í Heilsustýrinum, upplýsir Heilsumálaráðið.

Umsóknarfreistin var í gjár.

Bæði menn og kvinnur hava søkt.

Heilsumálaráðið fer í næstum undir at viðgera umsóknirnar.

Skipa og menna heilsufakliga økið

Heilsustýrið hevur høvuðsuppgávuna at skipa og menna heilsufakliga økið í Føroyum og at veita granskingargrundaða ráðgeving við støði í føroyskum heilsu- og samfelagsviðurskiftum.

Ein týðandi partur av arbeiðinum er at savna vitan og byggja grundarlag upp fyri heilsufremjandi átøkum, styrkja arbeiðið innan fólkaheilsu og fyribyrging, og at umsita farsóttarøkið og heilsuhagtøl.

Ein týðandi partur av arbeiðinum er at savna vitan og byggja grundarlag upp fyri heilsufremjandi átøkum, styrkja arbeiðið innan fólkaheilsu og fyribyrging, og at umsita farsóttarøkið og heilsuhagtøl.