Breddin: Suðuroyartunnilin og farleiðir

Málið um Suðuroyartunnilin er aftur á skránni.

Málið datt burtur á ólavsøku, tí tað kom ikki aftur, áðrenn tingsetan var liðug, men tað verður lagt fyri tingið fyrsta dagin, sigur løgmaður. 

Tingfólk vildu hava eina alternativa leið kannaða betur, áðrenn tey tóku støðu um at bjóða leiðina út - millum annað tí ein skjóttarbeiðandi bólkur, sum løgmaður setti, kom til ta niðurstøðu, at tað ber til at stytta byggitíðina við at fara upp í Skúgvoy, um borað verður úr Skúgvoy eisini.

Kunningarfundur

Týsdagin var løgtingið á kunningarfundi í Tinganesi, har tingfólk millum annað kundu seta spurningnar og gera viðmerkingar til eitt avgerðarnotat, sum lýsir tær báðar farleiðirnar, við og uttan at bora úr Skúgvoy, og í morgin skulu tey taka støðu til, hvør farleið skal bjóðast út. 

Tað hava longu verið atfinningarsamar røddir frammi um samanberingarnar av farleiðunum, og spurnartekn eru sett við fleiri viðurskifti - millum annað mangla váðametingar, og kostnaðarmetingin verður mett at vera ov bjartskygd og byggja á eitt ov veikt grundarlag.

Eru tingfólk til reiðar at velja farleið nú?

Og hvat sigur løgmaður til atfinningarnar?

Tað spyrja vit í Breddanum í dag klokkan 10.