Kina strikar toll á amerikonskum vørum

Kina strikar, fyribils í eitt ár, hækkaða tollin á amerikanskar vørur, sum var 24 prosent.

Tí boðar kinverska tollnevndin frá, eftir fundin millum kinverska forsetan, Xi Jinping og amerikanska forseta, Donald Trump, sum var í seinastu viku.

Tað skrivar Reuters. 

Framvegis verður tollurin 10 prosent. Tollnevndin sigur samstundis, at Kina um eina viku fer at strika toll, sum er upp í 15 prosent, á amerikonskum landbúnaðarvørum.

Kina hevur fleiri ferður hækkað tollin, eftir at Donald Trump gjørdist forseti.

Umframt eina avtalu um at lækka tollin, samdust USA og Kina á fundinum í seinastu viku eisini um, at gera eina avtalu um at steðga handlinum við fentanyl.