Leiðreglur um lýsingar á sosialum miðlum

Brúkaraumboðið hevur gjørt leiðreglur um lýsingar á sosialum miðlum.

Vinnan brúkar nógv sosialar miðlar til lýsingar um vørur og tænastur.

Hon brúkar millum annað ávirkarar, influensarar.

Her kunnu persónligar meiningar og viðmæli hjá ávirkarum koma í bland við tilfar, sum hevur eitt vinnuligt endamál, sigur Brúkaraumboðið. 

Tað kann tí vera torført hjá fólki at gjøgnumskoða, nær talan er um lýsingar fyri vinnurekandi, og nær talan er um persónlig viðmæli.

Vindur upp á seg

Síðstu árini hevur ávirkaravirksemið vundið upp á seg í Føroyum. 

Økið gerst eisini alsamt meira professionelt, har ávirkarar eru knýttir at ávirkara- og lýsingafyritøkum, sigur Brúkaraumboðið.

Tað hevur nú gjørt nýggjar leiðreglur um lýsingar á sosialum miðlum. 

Leiðreglurnar hava verið til hoyringar hjá Handilsvinnufelagnum, Felagnum Samskifti, sum er felag hjá  lýsingarfyritøkum, og hjá ávirkarafyritøku.

Leiðreglurnar, sum eru 30 síður, og kunnu lesast her.