Aftur fleiri pengar til sjúkrahús

Aftur fleiri pengar til sjúkrahús
H-bygningurin hjá Landssjúkrahúsinum, sum ikki er liðugur enn, skal longu umvælast fyri góðar 30 mió. kr.
H-bygningurin hevur framvegis brúk fyri pengum, nú til umvælingar.
 
03.12.2025 - 07:18

H-bygningurin hjá Landssjúkrahúsinum, sum ikki er liðugur enn, skal longu umvælast fyri góðar 30 mió. kr.

Almanna- og Heilsumálaráðið hevur biðið løgtingið um 33,8 mió. kr. til at gera ábøtur og umvælingar í H-bygninginum.

Harav skal ein millión brúkast til gerðarrættarmál.

Okkurt um 60 prosent av H-bygninginum eru tikin í nýtslu.


Lekur

Men lekar gera, at ikki ber til at taka meira í brúk nú.

Fyrra metingin segði, at skaði var hendur fyri 14,5 milliónir.

Men ein nýggj meting sigur 32,8 milliónir.

Lekarnir stava, sambært sýnsfrágreiðingini, frá vantandi dygd í handverkinum, ónøktandi tilfarsvali, vantandi eftirliti og prosjekteringarfeilum.  

Landsverk ætlar at leggja gerðarrættarmál móti stórarbeiðstakaranum og høvuðsráðgevanum, tí partarnir ikki hava tikið stig til at umvæla og bøta feilirnar og manglarnar.  

Umvælingin fer helst at vara ein stóran part av árinum 2026, sigur Almanna- og Heilsumálaráðið.

Er kopiera
Nýggjastu sendingar í ÚV
Hósdag 12. november
Breddin: Kervi+ og fólkaskúlin
216300
Hósdag 12. november
Eitt fræ
216034
Hósdag 12. november
Hús
216070
Mikudag 11. november
Dansival 11 nov 2026
216272
Mikudag 11. november
Vágskálin: Millum veruleika og óveruleika
215895
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Hósdag 12. november
Veðrið
216328
Hósdag 12. november
Talvið um Tinganes (2:2)
216265
Týsdag 10. november
Veðrið
216210