Trilva í blindum í tunnilsmálinum

Løgtingskvinnan Liljan Weihe finst hvassliga at handfaringini hjá løgmanni í tunnilsmálinum.

-Løgmaður lovaði okkum ein kunnandi fund, áðrenn nýggja og broytta lógaruppskotið um Suðuroyartunnil varð lagt fyri løgtingið. Tann fundurin hevur ikki verið, sigur Liljan Weihe.

Løgtingskvinnan var á kunnandi fundi hjá FNU á Sandi í gjárkvøldið, har ein triðja linjuføring gjøgnum Sands bygd varð umrødd. 

-Løgtingsfólk eru als ikki kunnað um hesa nýggju farleiðina, sum eftir øllum at døma er komin inn í lógaruppskotið, eftir at hoyringsfreistin er farin og hoyringssvarini latin inn. So nei, eg veit satt at siga ikki, hvat eg skal taka støðu til, sigur Liljan Weihe.

Løgtingskvinnan hevur higartil funnist at manglandi gjøgnumskygni og stuttum hoyringarfreistum í málinum um Suðuroyartunnilin. Og nýggjasta stigið, at broyta uppskotið, áðrenn tað verður lagt fyri løgtingið, fær aftur løgtingskvinnuna at tala at:

-Her hevur eingin samgongufundur verið síðani uppskotið varð broytt. So vit trilva okkum fram í blindum, og tað líkist svartasta ongum, sigur Liljan Weihe.

Hoyr samrøðu her: