Bert fá sekund frá at handtaka tjóvarnar

Løgreglan var bert fá sekund frá at kunna handtaka tjóvarnar í stóra innbrotinum í franska tjóðarsavninum Louvre í oktober.

Tjóvarnir tóku skreytlutir, sum ikki eiga sín líka, og teir eru ikki komnir afturíaftur.

Í granskingarfrágreiðing, sum er almannakunngjørd í dag, verður funnist hvassliga at trygdarskipanini í savninum.

Millum annað er ein av niðurstøðunum, at tjóvarnir, uttan at vita tað, vóru bert 30 sekund frá, at løgreglan kom til savnið. 

Tjóvarnir fóru inn gjøgnum eitt vindeyga á aðru hædd. Teir nýttu ein bil við lyftu at sleppa fram at vindeyganum.