Danir fullu fyri fronsku falløksini

Fraklendingar vístu onga náði, tá teir varpaði Danmark úr heimsmeistarakappingini í hondbólti.

Í fjórðingsfinaluni í gjár vann Frakland sannførandi 31-26 á einum tomum donskum liði, sum kom illa frá byrjan, og ongnatíð veruliga fekk gongd á í álopinum.

Sarah Bouktit á fronsku strikuni var ógjørlig at steðga. Hon skeyt átta mál upp á sínar átta royndir fyri verandi heimsmeistaran, sum skal spæla ímóti týsku vertunum í hálvfinaluni.

Danir, hinvegin, skulu ikki spæla fyri heiðursmerkjum í eini stórari kapping fyri fyrstu ferð síðan 2019.

Niðurlond vunnu á Ungarn

Vertirnir fingu góða byrjan frammanfyri heimaáskoðarunum í Ahoy Arena, men Ungarn hálaði seg skjótt upp aftur á javnt.

Niðurlond fóru kortini í steðg við fimm máls leiðslu, og tá ungarska stjørnan Katrin Klujber fekk reytt kort eftir steðgin, var leyst og liðugt, og vertstjóðin vann 28-23.

Tær appilsingulu eru framvegis ósigraðar, men í hálvfinaluni bíðar krútsterka norska liðið.