Stóra undirskotið merkt fíggjarlógarviðgerðina

Løgtingið hevur í allan dag viðgjørt uppskotið til fíggjarlóg fyri næsta ár.

Tá fíggjarlógaruppskotið kom úr aftur fíggjarnevndini og var klárt til 2. viðgerð, var undirskotið á fíggjarlógini økt við 90 milliónum krónum, úr 173 milliónum upp í 263 milliónir.

Harafturat koma einar 30 milliónir aftrat, tá tann sokallaði býlisstuðulin kemur fyrst í næsta ári. Tá fer hallið at vera næstan 300 milliónir.

Ein av teimum, sum fanst at samgonguni fyri at leggja enn eitt fíggjarlógaruppskot fyri tingið við stórum halli, er Árni Skaale úr Fólkaflokkinum.

Tað er í síðsta enda Ruth Vang, landsstýriskvinna í fíggjarmálum, sum hevur ábyrgdina av fíggjarlógini. 

Fíggjarlógin varð samtykt við 16 atkvøðum fyri og 12 ímóti umleið klokkan hálvgum sjey.

Triðja viðgerð verður hósdagin.