Fiskiveiðiavtalan og svartlistingin hanga saman

Tá ið fiskiveiðuavtala fyri 2026 varð undirskrivað við Russland í gjár, varð ikki bara samráðst um, hvussu nógvan fisk londini skuldu sleppa at fiska hjá hvørjum øðrum, men eisini ein samráðing um at útihýsa tveimum russiskum reiðaríðum, Murman Seafood og Norebo JSC, úr Føroyum.

- Samráðingarnar byrjaðu við, at vit søgdu, at vit seta avmarkaði tiltøk í verk.

Tað sigur Sirið Stenberg, landsstýriskvinna í uttanríkismálum.

Samráð við uttanlandsnevndina

Í lógina um heimild at seta avmarkandi tiltøk í verk móti Russlandi, varð sagt, at landsstýriskvinnan eisini skuldi ráðføra seg við uttanlandsnevndina, áðrenn nøkur tiltøk verða sett í verk.

Tað er gjørt, sigur Sirið Stenberg.

Í avtaluni stendur, at ikki bara tvey russisk reiðaríð verða svartalistað, men at russiski skuggaflotin eisini verður svartlistaður.

Hetta verður gjørt fyri at gera tað sama, sum onnur lond gera.