- Tíðindi, mentan og ítróttur
Plátupanelið ellivu ferðir á skrá í 2025

Leygardagin 1. oktober 2022, klokkan 14, bleiv fyrstu ferð skrúvað upp fyri Plátupanelinum í útvarpinum.
Hugskotið um at hava eina beinleiðis leygardagssending við plátunørdaríi hevði spøkt í sendingini LEITISSTEIN frammanundan, har eitt panel mannað við Knút Háberg Eysturstein, Fróða Løkságarð og Eileri Sørensen í fimm umførum hevði verið savnað.
Breið semja var um, at hugskotið var upplagt til eina sending í sær sjálvum, og soleiðis bleiv.
Einfalt konsept
Plátupanelið verður beinleiðis úr Studio 4 í Sortudíki í Havn fyrsta leygardag í hvørjum mánaði í vetrarskránni hjá útvarpinum.
Manningin er skiftandi, og tað er verturin til tíði reisini.
Konseptið er einfalt: Í tveir tímar skiftast limirnir í panelinum um at velja plátur, sum teir halda vera góðar, og sum liggja innanfyri eitt ávíst evni, ið er avtalað frammanundan.
Tónleikaár eru ofta á skránni, men í 2025 vóru eisini onnur spennandi evnir, eitt nú tónlistarliga sterkar plátur við serstakliga sterkum byrjanarløgum, heitisløgum og endaløgum.
Fimm debutantar
13 ymisk tónleikakøn fólk hava mannað Plátupanelið í 2025, og tveir ymiskir vertir hava verið, Uni Leitisstein Hansen og Dania O. Tausen. Hendan seinna var vertur fyri afturvendandi kvinnupanelinum í sambandi við altjóða kvinnudagin 4. mars.
Hesi hava lagt samanlagt 170 plátur undir nálina.
Fróði Løkságarð, ið er ein av uppruna limunum í Plátupanelinum, sat í panelinum sjey ferðir í 2025, Ári Rouch var við seks ferðir, meðan Guðrið Hansdóttir, Hergeir Eldevig, Eiler Sørensen og Heiðrikur á Heygum hava sitið í panelinum tríggjar ferðir hvør.
Knút Háberg Eysturstein var tvær ferðir við, meðan Urd Johannesen og Unn Paturson vóru við ta einum ferðina hetta farna árið.
Fýra fólk fingu sína debut í Plátupanelinum í 2025. Tey vóru Esther á Fjallinum, Jasmin Mote, Marianna Nagata og Regin Toftegaard
|
Fróði Løkságarð Uni L. Hansen, vertur |
Knút H. Eysturstein Uni L. Hansen, vertur |
Jasmin Mote Dania O. Tausen, vertur |
|
Fróði Løkságarð Uni L. Hansen, vertur |
Fróði Løkságarð Uni L. Hansen, vertur |
Heiðrikur á Heygum Uni L. Hansen, vertur |
|
Ári Rouch Uni L. Hansen, vertur |
Ári Rouch Uni L. Hansen, vertur |
Eiler Sørensen Uni L. Hansen, vertur |
|
Unn Paturson Uni L. Hansen, vertur |
Ári Rouch Uni L. Hansen, vertur |
|
1991 ársins fyrsta evni
Plátupanelið er longu farið til verka í 2025, tí tað vildi soleiðis til, at fyrst leygardagurin í januar var longu 2. januar.
Evnið í ársins fyrsta Plátupaneli var tónleikaárið 1991, ið verður mett sum eitt hitt sterkasta - kanska tað sterkasta - í søguni.
Í ársins fyrsta paneli var eisini ein debutantur við, og tað var Ólavur Eyðunsson Gaard, ið er tónleikari og tónleikalærari.
Hvat: Plátupanelið
Hvar: Í útvarpinum og á KVF Ljóð
Nær: Fyrsta leygardag í mánaðinum kl. 14, og tá tað passar tær á KVF Ljóð




























