Trivnaðarnevndin viðger pensjónsaldurin

Trivnaðarnevndin hjá løgtinginum fer fyrrapartin at viðgera lógaruppskotið um at hækka pensjónsaldurin.
 
Nevndin hevur sent boð eftir Landsfelag Pensjónista, Heilsuhjálparafelagnum, Næmingaráðnum á Glasi, Fakfelagssamstarvinum, Samtaki, Búskaparráðnum og Føroya Arbeiðsgevarafelag. Eisini skal landsstýriskvinnan í almanna- og heilsumálum møta í trivnaðarnevndini saman við Almannaverkinum.
 
Við lógaruppskotinum verður pensjónsaldurin 69 ár í 2038. Eisini leggur lógaruppskotið upp til, at at løgtingið fyri1.januar 2031 skal taka støðu til, hvør pensjónsaldurin verður í 2041. Og fyri 1.januar 2034 skal løgtingið taka støðu til, hvør pensjónsaldurin verður í 2044.
 
Endamálið við lógaruppskotinum er at betra um haldførið í føroyska búskapinum, sigur landsstýrið.