Fiskiveiðiavtalan við íslendingar er bara galdandi til 1. august

Fiskiveiðisáttmálin millum Føroyar og Ísland í ár er í fyrsta umfari bara galdandi til 1. august.

Nýggi sáttmálin er komin í gildi í dag, men hann er bara galdandi fyribils, tí Ísland eftir ársskiftið setti fram ynski um, at samráðingarnar um fiskiveiðiavtaluna fyri 2027 byrja sum skjótast.

Í vár verður støða tikin til, um sáttmálin í ár skal leingjast.

Samráðast síðst í januar
Tilfeingis- og vinnumálaráðið sigur, at hóast íslendska ynskið átti at verið borið fram í góðari tíð fyri ársskiftið, taka Føroyar undir við byrja samráðingarnar fyri 2027 beinanvegin. Fyrsta samráðingarumfarið verður síðst í januar, og Føroyar vera vertur.

Avtalan - sum also bara er galdandi fyribils til 1. august - ásetir, at føroyska botnfiskakvotan verður 5.600 tons í íslendskum sjógvi. Av hesum kunnu 2.400 tons vera toskur og upp til 400 tons brosma.

30.000 tons av lodnu
Lodnukvotan verður framhaldandi fimm prosent av heildarkvotuni, tó í mesta lagi 30.000 tons. 

Íslendsk skip kunnu fiska 1.300 tons av makreli í føroyskum sjógvi. Londini kunnu framhaldandi fiska svartkjaft og norðhavssild hjá hvørjum øðrum. 

- Avtalan byggir á sama leist sum árini frammanundan, sigur Eirikur í Jákupsstovu, landsstýrismaður í tilfeingis- og vinnumálum, men hon er fyribils bara galdandi til 1. august í ár: