Mentanarviðmæli: Oslo er ein spennandi mentanarbýur

Fleiri túsund føroyingar fara til Oslo at stuðla og koyra á okkara manshondbóltslandslið.

Men norski høvuðsstaðurin er eisini ein áhugaverdur mentanarbýur við heimskendum søvnum og ríkum møguleikum at uppliva list og mentan.

Nógv kenna til stórsligna operahúsið við havnamóti, Vigelandsparkina og nýggja Munch savnið, men Oslo hevur eisini ymsar spennandi býarpartar, sjónleikarhús, óteljandi matstovur og kaffistovur, uttandura hyljar við baðstovum og so er stutt til gongutúrar í náttúruni.

Gunn úr Moss

Norska Gunn Hernes, stjóri í Norðurlandahúsinum, er uppvaksin í Moss sunnanfyri Oslo, og fer nú til høvuðsstaðin í sínum heimlandi at koyra á føroyska manshondbóltslandsliðið.

Vit hava biðið hana um at viðmæla mentanarligar upplivingar í Oslo til tey, ið hava hug og tíð til tað millum hondbóltsdystirnar. Eisini fært tú íblástur á visitoslo.com 

Hvat: Kultura
Hvar: Í útvarpinum og á KVF Ljóð
Nær: Mikudagar kl. 17.05 í útvarpinum, og tá tað passar tær á KVF Ljóð