Kannar enn hóttanir

Politiið kannar enn málið um hóttanir móti tingfólki, sum atkvøddu fyri broytingini í fosturtøkulógini, tað er fyri fríari fosturtøku.

Í fyrsta lagi um tvær vikur eru kanningarnar lidnar, sigur Jógvan Páll Joensen, varaløgregluovasti.

14 politikarar hava boðað frá hóttanum.

Tað var fyrst í desember, at tingfólk boðaðu frá, at tey vóru hótt á sosialum miðlum ella við sms-boðum.

Politiið veit ikki rættiliga enn, hvør hótti, ella, um fleiri enn ein hótti.

Men tað er júst tað, sum verður kannað nú.