Innflutningurin vaks 700 milliónir

Innflutningurin var eins og útflutningurin størri frá desember 2024 til november 2025 enn frá desember 2023 til november 2024.

Men hann vaks ikki so nógv sum útflutningurin.

Vøksturin var 700 milliónir krónur, 6,8 prosent.

Føroyar innfluttu fyri næstan 11 milliardir krónur frá desember 2024 til november 2025, skrivar Hagstovan. 

Innflutningur av matvørum vaks næstan 137 milliónir krónur, 5,6 prosent.

Oljuprísurin er lækkaður nakað. Brennievni fóru 3,8 prosent niður.