Oljutangin á Sundi verður liðugur um eitt ár

Um eitt ár, í fyrstu viku í januar 2027, verður oljutangin hjá SEV á Sundi liðugur.

Arbeiðið byrjar í apríl, og takið skal vera komið á í september, sigur Heri Mortensen, deildarleiðari hjá SEV. 

Síðani skal tangin bjálvast.

Tangin var annars í gerð í 2024, men hann smokkaði í illverðri í september tað árið, og fór fyri skeytið.

Tilfarið er síðani selt sum gamalt jarn.

KSS skal gera tangan

Eins og í 2024 skal Klaksvíkar sleipistøð, KSS,  gera og seta upp tangan.

Semja er gjørd millum SEV, sleipistøðina og tryggingina um fíggjarviðurskiftini.

SEV hevur havt brúk fyri tanganum, sum skuldi vera liðugur síðst í 2024. 

Tangin skal taka 8.000 rúmmetrar av olju. Hann verður 22 metrar høgur.