Norðurlondini: Bert Ísland snávaði í fyrsta umfari

Sum heild fingu Norðurlond góða byrjan í miðumfarinum í EM-endaspælinum í hondbólti. Danmark, Norra og Svøríki vunnu sínar fyrstu dystir, meðan Ísland snávaði í teprum tapi.

OL-vinnararnir og heimsmeistararnir úr Danmark vóru undir ávísum trýsti eftir tapið fyri Portugal í bólkaspælinum, og í fyrsta dystinum í miðumfarinum ímóti Fraklandi vóru danir leingi aftanfyri.

Tá tað veruliga stóð á, megnaði Danmark kortini at venda dystinum við Mathiasi Gidsel á odda. Jóhan á Plógv Hansen skoraði tvey mál upp á brotskast.

Norra vann gýsara

Norra vann á Spania í sonnum gýsara. Spaniólar høvdu eina tepra leiðslu stóran part av dystinum, men ímóti endanum yvirhálaðu norðmenn, og Berlin-liðfelagin hjá Hákuni West av Teigum, Tobias Grøndahl, avgjørdi til 35-34 í síðsta minutti.

Svøríki skuldu royna seg ímóti Slovenia, sum vann bólkin hjá Føroyum. Slovenar vóru omaná fyri steðgin, men í seinna hálvleiki vaknaðu sviar og vunnu nokkso sannførandi 35-31. 

20260123-161023-l-5424x3616ma.jpg

Frítekst tagging: 

Ítróttur

Hondbóltur

Ísland

Kroatia

EM26

Ísland snávaði

Ísland snávaði í jøvnum dysti ímóti Kroatia. Kroatar løgdu seg framum tíðliga, men hóast íslendingar fleiri ferðir vóru nær við, eydnaðist ongantíð at koma upp á javnt. Tí vann Kroatia til endans 30-29.

Í dag eru tríggir dystir á skránni. Frakland og Portugal bresta saman klokkan 14.30, Danmark og Spania spæla klokkan 17.00, og í síðsta dystinum klokkan 19.30 spæla Norra og Týskland.