Ingilín D Strøm: Ber væl til at røkka málinum um einki útlát

- Eg haldi, at tað ber væl til at røkka málinum, um at vit einki útlát skulu hava av veðurlagsgassi bæði á landi og sjógvi í 2050.

Tað sigur Ingilín Didriksen Strøm úr Javnaðarflokkinum, sum fegnast um, at Føroyar nú fáa eina veðurlagslóg.

Ingilín D. Strøm

Løgtingið viðgjørdi uppskotið um veðurlagslóg í gjár. 

Sirið Stenberg, landsstýriskvinna, eigur uppskotið, og endamálið er, at vit skulu hava null útlát av vakstrarhúsgassi í 2050, bæði á landi og sjógvi.

Fleiri politikarar - serliga í andstøðuni - vístu á, at tað er ómøguligt at røkka hesum máli.

Helgi Abrahamsen

Helgi Abrahamsen í Sambandsflokkinum sigur, at tað er gott at seta sær mál á grøna økinum, men hann heldur hetta vera meira signalpolitikkur hjá samgonguni, enn veruligur veðurlagspolitikkur.

Hoyr innslag í útvarpstíðindunum: 

Uppskotið um veðurlagslóg er farið í rættarnevndina til viðgerðar.