Fimm skúlar hava fleiri næmingar enn lógin sigur

Í fimm fyrstuflokkum í Havn og á Argjum eru fleiri enn lógarásettu 22 børnini næsta skúlaár.

Tveir flokkar við 23 næmingum eru í Eysturskúlanum, tveir við 24 næmingum í Sankta Frants skúla, og ein flokkur við 23 næmingum er í skúlanum á Argjahamri. 

Tað skrivar Skúlablaðið, og hevur fyribilstøl hjá Undirvísingarstýrinum fyri skúlaárið 2026-27 sum keldu.

Løgtingið hevur annars samtykt, at í mesta lagi 22 næmingar mugu vera í hvørjum fyrsta flokki í fólkaskúlanum.

Í øðrum flokki eru fleiri enn 22 næmingar í níggju flokkum í Havn og á Argjum næsta skúlaár, skrivar Skúlablaðið.