Kringvarpið vísir Melodi Grand Prix 2026

Í annaðkvøld verður Danskt Melodi Grand Prix 2026 hildið í Arena Nord í Frederikshavn. Í Føroyum ber til at fylgja kappingini beinleiðis í Kringvarpi Føroya klokkan 19.00, bæði í sjónvarpinum og á kvf.fo. 

Serligur áhugi er fyri føroysku Sissal Jóhonnu Norðberg Niclasen, sum er millum tey átta listafólkini, ið kappast í stóru tónleikakappingini. Hoyr sangin 'Infinity' hjá Sissal her.

LES EISINI: Sissal aftur við í donskum grand prix 

Sissal - Danskt Melodi Grand Prix 2026

Sissal luttekur í ár við sanginum 'Infinity'. (Mynd: Anne Sofie Pathuel)

Átta listafólk fara á pall við hvør sínum sangi, og vinnarin skal umboða Danmark í Eurovision, sum verður í Wien í Eysturríki í mai. Enn er einki avgjørt um, hvør fer at vinna. Tó hava veddingarfyritøkurnar longu gjørt sínar metingar, og har verður Sissal Jóhanna mett sum ein av teimum heilt stóru favorittunum. 

LES EISINI: Sissal er klár til leygarkvøldið 

dansk-melodi-grand-prix-2026 Sara Bro og Alex Høgh Andersen som værter. (Foto Agnete Schlichtkrull)

Sara Bro og Alex Høgh Andersen eru vertir fyri ársins Melodi Grand Prix (Mynd: Agnete Schlichtkrull)

Vertir hetta kvøldið eru Sara Bro og Alex Høgh Andersen. Tey fara at leiða hyggjararnar gjøgnum eitt kvøld við góðum framførslum og tónleiki, áðrenn vinnarin av Danska Melodi Grand Prix 2026 verður funnin.

Soleiðis kanst tú atkvøða
Um tú ynskir at geva Sissal tína atkvøðu, mást tú tryggja tær, at tú hevur tøkan pening á kontuni. Talan er um yvirtakserað nummar, og kappingin er ikki fevnd av vanligum haldi. Tað merkir, at gjald verður kravt fyri hvørja atkvøðu.