FA Cup: Géza Dávid Turi bleiv dagsins spælari

Steypafótbólturin er av á hesum sinni fyri Grimsby Town og Géza Dávid Turi. Í runudíkinum á Blundell Park í Grimsby taptu Géza Dávid Turi og liðfelagirnir 1-0 fyri Premier League-felagnum Wolverhampton í 4. umfari í ensku steypakappingini FA Cup.

Undirlagið á Blundell Park var vánaligt og tað ávirkaði spælið nógv, at tað bleiv spælt á einum runudíki. Grimsby Town, sum spælir í fjórðbestu deildini í Onglandi, stóð lítið aftanfyri Wolverhampton, men tað eydnaðist ongantíð Géza Dávid Turi og hansara monnum at hótta málið.

Géza Dávid Turi fær handa prógv fyri, at hann bleiv valdur til dagsins spælara

 

Eftir dystin bleiv føroyski landsliðsmiðvallarin valdur til besta spælaran á heimaliðnum. Hann hevur vunnið sær fast pláss á miðvøllinum og spældi allan dystin. Fyrr í ár var Géza Dávid Turi innskiftur, tá Grimsby Town vann á Manchester United í Liga Cup-kappingini. Teir taptu síðani fyri Brentford.

Sostatt er steypafótbólturin av á hesum sinni fyri Grimsby Town. Felagið liggur á 10. plássi í League Two. Bara tvey stig eru upp til nummar sjey, ið sleppur at spæla um at flyta upp.

Undirlagið á Blundell Park var vánaligt og tað ávirkaði spælið nógv