Færri nýggj akfør í ár

Higartil í ár eru skrásett tilsamans 142 nýggj akfør, níggju færri enn somu tíð í fjør, vísa tøl hjá Akstovuni.

Tað eru sløk seks prosent minni enn í fjør.

1. mars hevði Akstovan skrásett tilsamans 66 nýggjar persónbilar, men somu tíð í fjør vóru teir 94. 

Í februar vóru skrásett 85 nýggj akfør, 20 færri enn i februar í fjør. Av teimum vóru 45 persónbilar, 25 færri enn í februar í fjør. 

Hinvegin eru fleiri brúkt akfør skrásett í ár. Tey vóru 38, fimm fleiri enn somu tíð í fjør.