Krevja munandi lønarhækking

Príshækkingin á teimum týdningrmestu vørunum hjá verkafólkum er verri enn so vunnin inn aftur, sjálvt um inflatiónin er minkað.

Tí verður kravið um eitt munandi lønarlyft miðdepilin í lønarsamráðingunum, sum verða í næstum, sigur Heri Reynheim, formaður í Havnar Arbeiðarafelag. 

Fíggjarligt haldføri og livikostnaður eru evnini, sum hava størstan týdning fyri veljaran.

Tað vísir veljarakanningin, sum Lóður hevur gjørt fyri Kringvarpið.

Heili 32 prosent siga, at fíggjarligt haldføri hevur avgerandi týdning, meðan 23 prosent vísa á livikostnaðin.

Veljarin og evni

Heri Reynheim sigur, at verkamannafeløgini fara ikki at góðtaka karmin upp á 3,87 prosent lønarvøkstur í ár, sum feløg á almenna arbeiðsmarknaðinum hava gjørt avtalu um.

Hoyr innslag í útvarpstíðindunum:

Sáttmálin hjá verkamannafeløgunum við Føroya Arbeiðsgevarafelag er uppsagdur, og fer úr gildi 1. mai. 

Sí eisini: Verkafólk: Keypiorkan er ikki batnað