Eirikur er bilsin og fegin

- Eg eri bilsin, men eisini fegin um, at eg eri valdur og komin upp aftur úr politisku avgrundini.

Tað sigur Eirikur í Jákupsstovu, nývaldur tingmaður fyri Tjóðveldi.

Á løgtingsvalinum hósdagin fekk Eirikur í Jákupsstovu í Klaksvík 304 atkvøður. Hann endaði nummar sjey á tjóðveldislistanum, og var ikki valdur. Men í sambandi við fínteljingina í gjár fekk Eirikur í Jákupsstovu níggju atkvøður aftrat, og kom upp á 313 atkvøður. 

Jóhan Christiansen

Jóhan Christiansen í Leirvík fekk 307 atkvøður hósdagin, og var valdur. Hann gjørdist nummar seks á listanum hjá Tjóðveldi

Fínteljingin gav honum tvær atkvøður aftrat, og hann endaði á 309 atkvøðum, men tað var ikki nógv mikið, tí Eirikur í Jákupsstovu fór framum. Jóhan Christiansen misti tí tingsessin.

Hoyr innslag í útvarpstíðindunum: 

Sí eisini innslag í Degi og viku: