Eingin stóruppgerð í steypakappingini

Tey stóru sluppu undan hvørjum øðrum í 1. umfari av kappingini um Løgmanssteypið við monnum.

Tað er greitt eftir lutakastið í kvøld, sum var á Rás1 í Televarpinum.

KÍ vann steypakappingina í fjør, og klaksvíkingar taka ímóti ÍF við Djúpumýrar, tá teir fara undir verjuna av Løgmanssteypinum.

Tapandi finalisturin í fjør Víkingur er eisini á heimavølli, har AB kemur á vitjan. B36 vitjar hjá FC Suðuroy, HB er vertur fyri B71 og NSÍ skal á vitjan hjá EB/Streymi við Margáir. 

Drigið var eisini um, hvussu spælast skal í fjórðingsfinalunum, og har lagaði tað seg soleiðis, at um B36 og HB spæla seg víðari, bresta stóru havnarfeløgini saman.

Løgmanssteypið, menn, fyrsta umfar

15. og 16. apríl

FC Suðuroy – B36
FC Hoyvík – TB
Víkingur – AB
KÍ – ÍF
EB/Streymur – NSÍ
HB – B71
B68 – MB
07 Vestur – Skála

Fjórðingsfinalurnar

HB/B71 – FC Suðuroy/B36
Víkingur/AB – FC Hoyvík/TB
B68/MB – KÍ/ÍF
07 Vestur/Skála – EB/Streymur/NSÍ

Hjá kvinnum eru bert sjey lið við í steypakappingini, og HB var drigið beinleiðis í hálvfinaluna, meðan fjórðingsfinalurnar sóu soleiðis út.

Skála - KÍ
B36 - 07 Vestur
NSÍ - Víkingur