Dan Olsen skal opna Sandin á G!

"Kendasta føroyska poppstjørnan, tú ikki kennir," staðfestir G! festivalurin, nú hann kunngerð, at Dan Olsen kemur at spæla á festivalinum í summar.

Okkurt er um tað, tí seinast Dan Olsen, sum hevur basu í London, spældi konsert í Føroyum var í 2015. 

Tað heldur G! festivalurin vera løgið, tá føroyska poppfyirbrigdið, við basu í London, nærum hevur verið at hoyrt í útvarpinum dagliga síðani tá.

Opnar Sandin 

Dan Olsen fær heiðurin at opna Sandin á G!, ið vil siga, at hann spæla fyrstu konsertina á Sandinum hósdagin 16. juli. Í fjør fall tann heiðurin Beini í lut. 

Í sambandi við útgávuna av sanginum "Milestones" í desember, skrivaði Dan Olsen, at tað eru 10 ár síðani, at hann flutti til London við gittaranum á rygginum uttan at kenna eina sál 

"Og í dag, tá eg líti aftur á tær hundraðtals konsertirnar, eg havi spælt, øll mílini, eg havi ferðast, og alt, ið eg havi lært, so kennist tað óveruligt." 

Hvat: G! festivalurin
Hvar: Syðrugøtu
Nær: 16.-18. juli

Higartil kunngjørd tónleikanøvn:

Clickhaze (FO)
Oliver Tree (US)
Ásgeir (IS)
Frændur (FO) 
Fantastic Negrito (US)
Guðrið Hansdóttir (FO)
Silvurdrongur (FO)
Moyka (NO)
Lea Kampmann (FO)
Irah (UK)
Elinborg (FO)
Jerub (UK)
Tunghoyrt (FO)
Collignon (NL/PO)
Orkesta Mendoza (MX)
AySay (DK)
Sakaris (FO)
Døgg Nónsgjógv (FO)
Marianna Winter (FO)
Lynks (UK)
Alterne (DK/ES/BE)
Urbanus (FO)
Bolstad (FO)
Duo Ruut (ES)