Verkfall í Íslandi rakar eisini farmaleið til Føroya

Skipini hjá Eimskipi, sum sigla til Føroya, verða rakt, um fráboðaða verkfallið hjá íslendska sjómannafelagnum verður veruleiki.

Verkfallið er sett at byrja á midnátt sunnukvøldið og vara til og við 15. apríl, sum er mikudagurin í næstu viku.

Verkfallið rakar skipini Dettifoss, Brúarfoss og Selfoss.

Sáttmálaloysi hevur verið síðani ársskiftið.

Verkfall er eisini fráboðað fyri lossingarfólk hjá Eimskipi frá 13. til 15. apríl.

Her hevur ikki verið sáttmáli í sløk tvey ár, skriva íslendskir miðlar.