Nýskipanarnevndin heldur fram

Nýskipanarnevndin, sum Aksel V. Johannesen, fyrrverandi løgmaður, setti á stovn í fjør heyst, sleppur at halda fram.

Tað sigur Beinir Johannesen, formaður í Fólkaflokkinum, sum verður nýggjur løgmaður.

Hann sigur, at samgongan hevur eisini sjálv ætlanir um nýskipanir í valskeiðnum: 

Nýskipanarnevndin skal geva politisku skipanini hugskot, hvussu nýskipanir kunnu gerast í almenna geiranum, sum skal styrkja haldførið.

Ben Arabo var tá formaður í Nýskipanarnevndini, men hann legði frá sær, tá hann stillaði upp fyri Javnaðarflokkin til løgtingsvalið.

Hinir limirnir eru Súni Selfoss, formaður í Starvsfelagnum, Marita Rasmussen, stjóri á Havstovuni, Heri á Rógvi, stjóri í Lóðri, Hjørdis Gaard Lailudóttir, stjóri í Movera, og Óluva Klettskarð, miðnámsskúlalærari.

Harumframt eru John Rajani, løgmansstjóri, og Bjarni Askham Bjarnason, aðalstjóri í Fíggjarmálaráðnum.