- Tíðindi, mentan og ítróttur
Amerikanskur dómari: Wall Street Journal ærumeiddi ikki Trump
Amerikanskur dómari: Wall Street Journal ærumeiddi ikki Trump
Miðilin Wall Street Journal ærumeiddi ikki Donald Trump, forseta, tá miðilin almannakunngjørdi eina mynd av føðingardagskorti frá Trump til Epstein
Mynd: Ritzau / Scanpix
14.04.2026 - 14:51
Ein dómari hevur víst burtur einum máli frá amerikanska forsetanum, Donald Trump, um ærumeiðing. Trump reisti í juli í fjør málið móti amerikanska miðlinum, Wall Street Journal.
Tað skrivar Reuters tíðindastovan.
Talan er um eitt av fleiri málum, sum Trump, forseti, hevur reist móti miðlum, fyri tíðindaflutning, sum hann sigur er skeivur.
Føðingardagskort til Epstein
Hetta málið snýr seg um eina grein hjá Wall Street Journal, sum almannakunngjørdi eina mynd av einum føðingardagskorti, sum forsetin skuldi hava skrivað dømda Jeffrey Epstein.
Trump og hansara fólk hava tvíhildið um, at kortið er ikki rættiligt, hóast tað var almannakunngjørt í sambandi við kanningarnar í Epstein málinum.
Trump hevur longu boðað frá, at hann fer at taka málið móti Wall Street Journal uppaftur.
Í seinasta lagi 27. apríl fara vit at stevna, skrivar hann á miðli sínum, Truth Social.
Hollendsku kongshjúnini eru í dag og vitja amerikanska forsetan og forsetafrúuna (Mynd: Ritzau / Scanpix)
Er kopiera
Nýggjastu sendingar í ÚV
Nýggjastu sendingar í SV
